” رودا بدر : “لقبك رايح عالفاضي
بقلب الوجع لحالك
صديق ما بتلاقي
مسكّر الهوا ع خيالك
صوت الفشل عالي
بطل كنت بالماضي
واليوم قلب عالفاضي
ماضيك عنك مضى
ما ترجّعلو الصدى
وتفتح صفحاتو
لتجرح ع الهدا
ل كان سبب المآسي
بتصير انت المتهم
وهو القاضي والسياسي.
مين منّا ما عندو ماضي؟
وجّعو وغيّرو
كسرو ونصرو
وما بدو إلّا حبّ صافي
لا كاهن ولا فريسي
يشوفو جروحنا عادي
بدنا السّامري الرفيق
ل حكي عنّو المسيح
يسوع وحدو الصّديق
ل اختار ينسى الماضي
ويحملنا طول الطريق
ع عيوبنا صابر وراضي
وما بيتركنا بالضيق
ولقبو وحدو الفادي
فيك تفرح باللّقب ل حاملو
تخسر ناس والشرّ تجاملو
كبير وببرجك العالي
والحق والعدل هاملو
غايب بالأوقات الصعبة
وشعبك قاهرو وذاللو
كل شي عملتو وعم تعملو
للقبك من القبر تحمي
صدّقني رايح عالفاضي.
“رودا بدر “
