رودا بدر : ممنوع نترك الوطن مدبوح مازال نحنا فينا وبعد ما غفينا 

كتبت رئيسة تحرير lebcnnews رودا بدر : ممنوع نترك الوطن مدبوح مازال نحنا فينا وبعد ما غفينا .

ع درب الحقّ لاقينا
وما تخلّي الأنا تجافينا
ممنوع نترك الوطن مدبوح
مازال نحنا فينا وبعد ما غفينا

بيكفي ل فلّو جروح خلف جروح
دشّروا  الأماني فينا وبليالينا
لو فينا نسكت ع الجرح ونروح
كنّا ع هالدنيّ ما جينا

يا خيي صريخ الروح
عم يتفتّئ ضلوعو
الفكر بيصرخ وبنوح
وعم يتروحنو شموعو

وين الأبطال والأرباب
وينن ل ماتوا منّا يوعوا
قوموا بلا هالنّومة يا أحباب
للدّم بلّشو يجوعوا

والشّعب نايم عالمزراب
خايف من الجرذان يفوعو
لاقونا ع الحقّ يا أحباب
ممنوع نترك الوطن مدبوح
ما زال نحنا  فينا وبعد ما غفينا

الشمع ل سال من عيني ع منشفتي
وعّا حب الوطن بعاطفتي
وبعصر كلّو جنون وقمع
بتوعى الحرّيّة ع فلسفتي

بلّش اتفلسف أنا والدّمع
وخلّي الهنا يزورني بمعرفتي
ما فيي اسكت عالجرح وروح
والوطن يبرّم على عاطفتي
باقيين للسيادة منو تفوح
ما زال نحنا فينا وبعد ما غفينا

الشاعرة : رودا بدر

المصدر : lebcnnews