ع بالي اكتب متل ما بحكي بركي الكلمة بتوصل أسرع للقلب
الأطرش وبصير يسمع ويرحم !؟ …
“مش أحسن لو منرحم بعض ؟”
صعب بس حدا يقيّمك ويحكي عليك ويبرّر حكيه من مستوى روحي عالي.
كلنا نجرحنا صحيح ؟ وكلنا تألّمنا كمان صحيح، بس يمكن لِ انت وصلتلو أنا بعدني عم صارع فيه كلّ يوم لحالي .
مش أحسن لو منرحم بعض؟ مش أحسن لو منفهم؟ مش أحسن لو منبطّل نحكم .. ومنجرّب نكون مكان المتّهم مش نصير نحنا القاضي؟
كلّ حدا فينا عنده ماضي .
بس إنت بتختار ما تشوف ماضيك ولا حتَّى تشوف حاضرك لِ يمكن يكون هلأ لونو رمادي .
وأنا بختار ما شوف عيوبك، مش لأنّي أحسن من غيري، بس لأنّي بفهم شو يعني إنّو بقلب وجعك، تكون لحالك وحتّى صديق ما تلاقي.
لأنّي بفهم إنّو بقلب الأزمة، وبوقت كلّ البواب بتكون مسكّرة، صوت الخوف والقلق والفشل بكون عالي.
الإنسان مش بحاجة لناس تحكم وتحكي وتنظّر وتقيّم من برّا ولا ناس قاعدة ببرجها العاجي.
المواطن مش بحاجة لحكومة تنصّب عليه ، والاجرام بإيدا يصير عادي . وكل ما ينرفع الإصبع بوجا بتوطيه لتبقى ببرجا العالي.
،المواطن مش بحاجة لزعيم يطعمي ليبقى عن الكرامة يحاضر ويحفظ الالقاب “سعادتك ومعاليك” وبوجودن ما عرف طعم السعادِة .
المواطن مش بحاجة خيّو يعاديه ، يقتل ويجرّح فيه ليبقى زعيمو راضي .
المواطن مش بحاجة لرئيس يتحكّم فيه ، ويقيّم من برّا وهوي ببرجو العالي.
المواطن محتاج لرئيس يخدم وطنو بقلب صافي ، ما بدو حرس يحميه بل جيش يدافع عن أراضيه .
ومحتاج لقادة:
نوجعوا وتغيّروا
فشلوا وتعلّموا
غلطوا واعترفوا
والعالم محتاج لحبّ نقي صافي.
ونرجع نلتفّ حول الهويّة اللبنانيّة، وما تفرّقنا لا طائفيّة ولا .عنصريّة، ليبقى لبنان بالقلب وع جبيننا عالي
يا ما سمعنا مواعظ عن الكاهن والفريسي… ل شافوا المجروح ومرقوا من حدّو ولا كأنّو شي صاير عادي .
بس كان في السّامري الصّالح .. “العدوّ !” ل اختار ينسى كلّ الماضي ويهتمّ بجروح خيٌو، ويساعدو ، وهيدا التصرّف ما كان أرضي كان ورا إيمان سماويّ .
فيك تنبسط باللّقب ل حاملو …الرئيس الفلاني …النايب الفلاني … الوزير الفلاني… العظيم الفلاني .. بس إذا النّاس ما بتشهد إنّك وقّفت حدّن بأوقاتن الصّعبة كلّ شي عملتو وعم تعملو صدّقني على الفاضي.
رودا بدر
Lebcnnewshttp://Www.lebanoncertaintynews.com
