رودا بدر : ممنوع نترك الوطن مذبوح مازال نحنا فينا وبعد ما غفينا

<span;> كتبت رئيسة تحرير lebcnnews الأستاذة رودا بدر :

ممنوع نترك الوطن مذبوح مازال نحنا فينا وبعد ما غفينا !

<span;>ع درب الحقّ لاقينا
<span;>وما تخلّي الأنا تجافينا
<span;>ممنوع نترك الوطن مذبوح
<span;> مازال نحنا فينا وبعد ما غفينا
<span;> بيكفي ل فلّو جروح خلف جروح
<span;>دشّروا  الأماني فينا وبليالينا
<span;> لو فينا نسكت ع الجرح ونروح
<span;>كنّا ع هالدنيّ ما جينا
<span;>يا خيي صريخ الرّوح
<span;>عم يتفتئ ضلوعو
<span;>لبنان بيصرخ وبنوح
<span;>وعم يتروحنو شموعو
<span;>وين الأبطال والأرباب
<span;>وينن ل ماتوا عنّا يوعوا
<span;>قوموا بلا هالنّومة يا أحباب
<span;>الدياب للدمّ بلشو يجوعو
<span;>والشعب نايم عالمزراب
<span;>خايف من الجرذان يفوعوا
<span;>لاقونا ع الحقّ يا أحباب
<span;>ممنوع نترك الوطن مذبوح
<span;>وع الظلم مشرّعة ضلوعو

<span;>الشمع ل سال ع منشفتي
<span;>وَعّا الفدى بعاطفتي
<span;>وبعصر كلّو جنون وقمع
<span;>كلّ ما برق الوجع باللمع
<span;>بتوعى الحرّيّة ع فلسفتي
<span;>ببلّش اتفلسف أنا والدّمع
<span;>وخلي الهنا يزورني بمعرفتي
<span;>ما فييّ اسكت عالجرح وروح
<span;>والوطن يبرّم على عاطفتي
<span;>ممنوع عطر اليأس منّا يفوح
<span;>ما دامت بيروت عاصمتي

في صياغة ثانية :

ع درب الحقّ يا شعب لاقينا
وخلّي الأنا تجافينا
ممنوع نترك الوطن مذبوح
ما زال بالحقّ فينا
بيكفي جروح خلف جروح
الشهدا أماني بليالينا
عار نسكت عالجرح ونروح
كأنّه لا شفنا ولا جينا
صريخ الوطن صار بالروح
وبحروف نهاية قوافينا
عم يصرخ بصمت ويبوح
وع صوت وجعو غفينا
تجاهلكن ما بقى مسموح
وعلى انقاذه تباكينا
الوطن من داخله مجروح
وجروحه من سياسيينا
وين الشعب وين الطموح
وين نوّابنا تحمينا
صرنا ع غصن عم بيلوح
الغريب ما رح يهدّينا
عار علينا وما بقى مسموح
نترك المجرم يتحكّم فينا

#رودا_بدر rodabadr #lebcnnews #أخبار_لبنان_اليقين